Sekusele amasonto ambalwa ukuthi abafundi bebanga le-12 baqale izivivinyo zabo zokugcina zika-2026. UMnyango Wezemfundo Eyisisekelo usukhiphe uhlelo olusemthethweni lwezivivinyo zeNational Senior Certificate.
Izivivinyo zizoqala ngomhlaka-13 Okthoba 2026, ziphele ngomhlaka-26 Novemba 2026. Nokho, ezinye izifundo ezihlanganisa iLife Orientation, Computer Applications Technology (CAT), Performing Arts kanye neVisual Arts and Design zingase zihlolwe ngaphandle kwalesi sikhathi.
Abafundi banxuswa ukuthi basebenzise la masonto asele ukuzilungiselela, bazi kahle izinsuku zezivivinyo zabo futhi bahlele isikhathi sokufunda zonke izifundo.
UNgqongqoshe Wezemfundo KwaZulu-Natal, uSipho Hlomuka, ucele abafundi ukuthi bayilandele ngokuqinile imithetho yezivivinyo, bafike kusenesikhathi ezikhungweni zabo bephethe izincwadi zokungena kanye nomazisi osebenzayo.
Uphinde wabanxusa ukuthi bahlale bezolile, bafunde imibuzo ngokucophelela, baphathe isikhathi kahle futhi bakholelwe emsebenzini abawenzile.
