I-NSFAS isithole izicelo ezingu-51 474 ezinsukwini ezine zokuqala zokufaka izicelo zoxhaso lwango-2027. Kulezi, ezingu-43 297 zivela kubafundi abaqala ngqa ukufaka izicelo, kanti ezingu-6 865 zivela kulabo abafuna ukufunda ezikhungweni ze-FET.
Abafake izicelo abangu-12 625 bathi bangabahlomuli be-SASSA, kanti ezingu-52 zivela kubafundi abakhubazekile.
Abesifazane yibona abaningi, njengoba izicelo zabo zingu-38 121, okungu-74.06%, uma kuqhathaniswa nezingu-13 353 zabesilisa.
I-NSFAS ithe iningi labafake izicelo lineminyaka ephakathi kuka-18 no-29.
Izicelo zizovalwa zingama-31 kuMfumfu 2026, kanti abafundi bayacelwa ukuthi bafake izicelo kusenesikhathi futhi baqinisekise ukuthi wonke amadokhumenti adingekayo athunyelwe ngendlela efanele.
