Ngemuva kokuthi unobhala jikelele we-African National Congress uFikile Mbalula ememezele uhlu lwabaholi besikhashana besifundazwe (PTT), sekuphinde kwehliswa nenani lamalunga azohola ezingeni lama-Regional Task Teams (RTT) KwaZulu-Natal.
Ngempelasonto, i-ANC yethule ubuholi besikhashana bezifunda ezahlukene, lapho kubonakale khona ukuncishiswa kwesibalo samalunga uma kuqhathaniswa neminyaka eyedlule.
Esifundeni saseJosiah Gumede, ubuholi buzoholwa ngu:
• Malombo Xaba njenge-Convenor
• Bongani Dlamini njengeSekela lika-Convenor
• Dudu Mazibuko njenge-Coordinator
• Phindile Stydom njengeSekela likaCoordinator
• Bonga Hlomuka njengeFundraiser.
Kanti esifundeni saseNkosi Bhambatha, ubuholi buzoholwa ngu:
• Jomo Sibiya njenge-Convenor
• Joe Motloung njengeSekela lika-Convenor
• Lungile Maboso njenge-Coordinator
• Nosipho Dlamini njengeSekela likaCoordinator
• Fikile Khumalo njengeFundraiser.
Wonke la malunga ethulwe ngokusemthethweni ngempelasonto njengobuholi besikhashana bezifunda.
