UNgqongqoshe weZasekhaya uLeon Schreiber uthi sekushicilelwe ama-Smart ID angaphezu kuka-100,000 emabhange ngezinyanga ezimbili nje.
Lokhu kwenziwa ngenxa yobambiswano phakathi koMnyango Wezasekhaya namabhange amakhulu. Manje sekunamagatsha angu-110 emabhange lapho abantu bengafaka khona izicelo. Esesikhathini esizayo kuzoba ngu-1,000.
USchreiber uthi isikhathi solayini abafe emahhovisi kaHulumeni sesiphelile. Uthi manje umuntu ungena ebhange, afake isicelo, athathwe iminwe, athathe isithombe. Konke lokho kuthatha imizuzu emihlanu.
Uthi lezi zibalo ezingu-100,000 zikhombisa ukuthi uhulumeni usebenzela abantu bakuleli.
Amabhange abambe iqhaza yiFNB, iStandard Bank, iAbsa neNedbank.
