Kuvele isifiso sokuvulwa kwegatsha elisha leMnambithi TVET College eBergville ukuze kusondezwe imfundo ephakeme kubafundi basemakhaya. Lokhu kudalulwe yizikhulu zekolishi ngesikhathi iphini likaNgqongqoshe Wezemfundo Ephakeme, uDkt Nomsa Dube-Ncube, livakashele lesi sikhungo ekhampasini yaseZakheni kwa-A.
Izikhulu zithi ukuvulwa kwaleli gatsha kuzodlala indima enkulu ekwandiseni amathuba okufunda, ikakhulukazi entsheni yaseBergville nasezindaweni ezizungezile. Njengamanje, iMnambithi TVET College inamakhampasi amane, amathathu aseMnambithi kanti elilodwa liseMtshezi.
Ukuvulwa kwekhempasi yaseBergville kungehlisa izindleko zokuhamba kwabafundi, kunciphise ukushiya isikole ngenxa yokwentuleka kwezimali, futhi kusize intsha ithole amakhono adingekayo ukuze ingene emhlabeni womsebenzi futhi izimele ngokomnotho.
