Namuhla kuhlangana iminyaka engu-114 kwasungulwa i-African National Congress (ANC), okuyenza ibe yinhlangano endala kunazo zonke elwela inkululeko ezwenikazi lase-Afrika.
lenhlangano ibilokhu ikhumbula lengqophamlando isonto lonke eRustenburg, eNorth West, ngochungechunge lwemicimbi. Lokhu kuhlanganisa imikhankaso yendlu ngendlu kanye nomcimbi wokusika amakhekhe, nemigubho ezophothulwa embuthanweni ozoba seMoruleng Stadium ngoMgqibelo.
UMengameli we-ANC uMnuz Cyril Ramaphosa kulindeleke ukuthi asebenzise lo mhlangano ukuze acacise izinto ezibalulekile zeqembu njengoba kuqala unyaka.
UNobhala-Jikelele we-ANC uFikile Mbalula uthi umgubho wangoJanuwari 8 udlulela ngale kokugubha usuku lokuzalwa kweqembu.
“Umgubho we-ANC umayelana nokuvuselela nokuqhubeka nokulwela inkululeko. Umayelana nokusebenzisana nabantu baseNingizimu Afrika ukudala amathuba omsebenzi nokuthola imiyalelo yokumasha evela kumengameli,” kusho uMbalula.
