OwayenguNobhala-Jikelele weqembu iMK Party, uSibonelo Nomvalo, uthi izithombe ezenziwe ngobuchwepheshe be-Artificial Intelligence (AI), ezimkhombisa ethatha imali kubaholi be-ANC, ngezinye zezizathu ezaholela ekutheni axoshwe esikhundleni sakhe.
Ekhuluma esithangamini sakhe sokuqala nabezindaba selokhu axoshwa, uNomvalo uthi kwabekwa imibiko yezobunhloli engamanga phambi kobuholi beqembu.
Uthi cishe imibiko eyisithupha yethulwa kuMengameli weqembu, uJacob Zuma. Uveze nokuthi kukhonjiswe uZuma isithombe esenziwe nge-AI esimkhombisa ethatha imvilophu kuMengameli Cyril Ramaphosa.
Uthi naye unaso lesi sithombe. UFloyd Shivambu, owangena esikhundleni sakhe, wake waveza izinsolo ezifanayo ngemibiko yezobunhloli engamanga.
