Basashaqekile namanje abantu basesifundazweni sase-Eastern Cape emva kwesigameko esishaqisayo esenzeke kulesi sifundazwe kulona leliviki.
Abezindaba kulesiya sifundazwe babike ngodaba lokudlwengulwa kwekhehla elineminyaka engu 86 lidlwengulwa ngumzukulu walo kanye nabangani bakhe.
Ngokwemibiko, lomlisa oneminyaka engu 23, ufike emzini kamkhulu wakhe ehamba nalabangani bangena nezivalo bafuna imali kumkhulu. Kuthe umkhulu esamangazwe yilokho, laba balisa baqala bamkhumula ibhulukwe umkhulu nokuthiwa uthe uma ebuza ukuthi benzani, umzukulu waphendula ngokuthi umenza lokhu abamenza kona ejele ngesikhathi eboshiwe.
laba balisa kubikwa ukuthi bamdlwengulile umkhulu beshintshana ngaye kwaze kwaba uyaphunyuka wabaleka wayofuna usizo kwamakhelwane enqunu enjalo.
Likhona icala elivuliwe ngaloludaba, kodwa kuze kwashaya isikhathi sokushicilela kungekho osaboshiwe.