UNdunankulu waKwaZulu-Natal Thami Ntuli kanye noNgqongqoshe Wezemidlalo, Amasiko nezobuCiko Mntomuhle Khawula bahalalisele iqembu le-Durban City FC emcimbini obubanjelwe eThekwini kulandela ukunqoba kwalo indebe ye-Nedbank Cup.
IDurban City FC ibe yiqembu lokuqala KwaZulu-Natal ukunqoba le ndebe kusukela yasungulwa eminyakeni engu-17 eyedlule. Iqembu lishaye TS Galaxy ngo 2-1 emdlalweni wamanqamu.
USihlalo weqembu Farook Kadodia uthe ujabule kakhulu ngokuthi iqembu ligcine liyinqobile indebe enkulu kangaka, wathi lokhu kuwudumo kubantu bonke baKwaZulu-Natal.
UNtuli noKhawula bathe lokhu kunqoba akugcini ngokukhombisa ibhola elisezingeni kodwa iphinde ilethe injabulo nesithunzi esifundazweni sonke. Iqembu liphinde lazuza umklomelo wemali engu-R7 million futhi selizomela izwe emqhudelwaneni we-CAF Confederation Cup.
Umqeqeshi wesikhashana Pitso Dladla uthe udumo kufanele luye kubadlali abasebenze kanzima kusukela ekuqaleni komqhudelwano kuze kube sekupheleni
