Kuvalwe okwesikhashana ihhovisi loMnyango wezeMfundo esifundeni i-uThukela, eliseMnambithi, ngenxa yenkinga enkulu yamanzi ebhekene nehhovisi.
Lokhu kuqinisekiswe encwadini ekhishwe nguMqondisi Wesifunda wezeMfundo esifundeni, uNksz M.E. Mokoena, ngomhlaka 18 Agasti 2026.
Ngokwencwadi, ihhovisi lesifunda livaliwe okwesikhashana ngemuva kokuthi uMnyango Wezabasebenzi uthathe isinqumo sokulivala ngenxa yesimo samanzi.
Abasebenzi besifunda batshelwe ukuthi ngeke babuyele emsebenzini kuze kube isimo sesixazululiwe.
Othishanhloko abanezindaba eziphuthumayo bayalulekwa ukuthi babike ezikhungweni zabo ezifanele nakubaphathi bamasekethe.
Akukacaci ukuthi ihhovisi lizophinde livulwe ngaluphi usuku, njengoba lencwadi ithi lizohlala livaliwe kuze kube isimo sesixazululiwe.
