Iqembu loMkhonto Wesizwe (MK Party) selihoxise isinqumo sokuxosha u-Emanuel Nkosinathi Mthethwa, layalela ukuthi abuyele esikhundleni sakhe ePhalamende laKwaZulu-Natal.
Lokhu kuvezwe yincwadi ebhalwe nguNobhala-Jikelele weMK Party, uSibonelo Nomvalo, eya kumxhumanisi weqembu eKwaZulu-Natal, uSimphiwe Mpungose, yangomhla zingama-21 kuMandulo 2026.
Le ncwadi ithi ihhovisi likaNobhala-Jikelele lenze uphenyo mayelana nezinsolo ezazibhekiswe kuMthethwa. Ngokwemiphumela yalolu phenyo, leli hhovisi lithi uMthethwa utholakale engenacala kuzo zonke izinsolo ebezibhekiswe kuye.
Ngenxa yalokho, iqembu selihoxise ukuxoshwa kwakhe futhi lacela ubuholi beMK Party KwaZulu-Natal ukuthi buqinisekise ukuthi ubuyiselwa ePhalamende laKwaZulu-Natal ngokushesha.
